• Կառուցապատողի հատուկ հաշիվները (այսուհետ՝ Հատուկ Հաշիվ) բացվում են Բանկի կողմից սահմանված փաստաթղթերը ներկայացվելու դեպքում` Բանկի սահմանած ձևի դիմումի կամ Բանկի կողմից սահմանված այլ տիպային փաստաթղթի հիման վրա՝ կառուցապատողի կողմից կառուցվող շենքից անշարժ գույք գնելու իրավունքի պայմանագրով (այսուհետ՝ Գնման իրավունքի պայմանագիր) գնորդների (այսուհետ՝ Գնորդ) կառուցապատողին կատարվող կանխավճարների գումարների ընդունման համար, ընդ որում, կառուցուցապատողի կողմից կառուցվող յուրաքանչյուր շենքի համար բացվում է առանձին Հատուկ Հաշիվ:
• Գնորդի կողմից Հատուկ հաշվին իրականացող վճարումները հաշվառվում են առանձնացված կերպով և դրանց ընդհանուր գումարը արտացոլվում է Հատուկ Հաշվում:
• Կառուցապատողի հատուկ հաշվին դրամական միջոցներ կարող են մուտքագրվել միայն ՀՀ դրամով:
  
• Հատուկ հաշվին մուտքագրվող բոլոր դրամական միջոցները Բանկի կողմից արգելադրվում են և հասանելի չեն Կառուցապատողին օգտագործման համար բացառությամբ Գնման իրավունքի Պայմանագրով և օրենքով սահմանված դեպքերի:
• Բանկը Կառուցապատողի Հատուկ հաշվից միջոցները դուրս է գրում Կառուցապատողի Հատուկ հաշվին առկա դրամական միջոցների սահմաններում: Հատուկ հաշվից դրամական միջոցները կարող են ելքագրվել հետևյալ դեպքերում`

1. Կառուցապատողի կարգադրությամբ Կառուցապատողի այլ բանկային հաշվին փոխանցման նպատակով Գնորդի կողմից մուտքագրված և Հատուկ հաշվում առկա ամբողջ գումարի չափով, եթե ձեռքբերվող գույքի մասով Կառուցապատողի և Գնորդի միջև կնքվել է սեփականության իրավունքի փոխանցման ակտ և կատարվել է Գնորդի սեփականության իրավունքի պետական գրանցում և ձեռքբերվող անշարժ գույքի նկատմամբ Գնորդի սեփականության իրավունքի գրանցման վկայականը գրանցում կատարված լինելու մասին ՀՀ Կադաստրի կոմիտեի կողմից տրված տեղեկատվություն էներկայացվել Բանկին, կամ

2. Կառուցապատողի կարգադրությամբ Գնորդի կողմից մուտքագրված և Հատուկ հաշվում առկա ամբողջ գումարի կամ դրա մի մասի չափով՝ եթե Կառուցապատողի և Գնորդի և/կամ Գնորդի վարկատուի միջև կնքված պայմանագր(եր)ով նախատեսվել է Կառուցապատողի Հատուկ հաշվին մուտքագրվող գումարների գրավադրում հօգուտ Գնորդի և/կամ Գնորդի վարկատուի և Կառուցապատողի և Գնորդի և/կամ Գնորդի վարկատուի միջև կնքված պայմանագր(եր)ով կամ դրա փոփոխություններով սահմանվել է Գնորդի կողմից մուտքագրված գումարների այդ մասի նկատմամբ գրավի իրավունքի վաղակետ դադարեցում և նշված պայմանագրերը ներկայացվել են Բանկին:

3. Կառուցապատողի կարգադրությամբ Գնորդի կողմից մուտքագրված և Հատուկ հաշվում առկա ամբողջ գումարի կամ դրա մի մասի չափով՝ եթե Կառուցապատողի և Գնորդի և/կամ Գնորդի վարկատուի միջև կնքված պայմանագր(եր)ով նախատեսվել է Կառուցապատողի Հատուկ հաշվին մուտքագրվող գումարների գրավադրում հօգուտ Գնորդի և/կամ Գնորդի վարկատուի և Կառուցապատողի և Գնորդի և/կամ Գնորդի վարկատուի միջև կնքված պայմանագր(եր)ով կամ դրա փոփոխություններով սահմանվել է Գնորդի կողմից մուտքագրված գումարների այդ մասի նկատմամբ գրավի իրավունքի վաղակետ դադարեցում և նշված պայմանագրերը ներկայացվել են Բանկին:

3. ԿառուցապատողիկարգադրությամբԳնորդիկողմից մուտքագրված գումարի նկատմամբ հաշվարկված տուժանքի չափով, եթե շինարարության ավարտի պետական գրանցումից հետո վեցամսյա ժամկետում անշարժ գույքի սեփականության իրավունքի փոխանցման ակտը չի կնքվել, Գնման իրավունքի պայմանագիրը վաղաժամկետ լուծվել է կամ անվավեր է ճանաչվել ՝ Բանկին ներկայացված ստորև նշված փաստաթղթերի հիման վրա՝

3.1. Շինարարության ավարտի պետական գրանցումից հետո սեփականության իրավունքի փոխանցման ակտը չկնքվելու դեպքում՝ Գնման իրավունքի պայմանագրով նախատեսված կարգով Կառուցապատողի կողմից Գնորդին ներկայացված փոխանցման ակտը կնքելու կամ տուժանք վճարելու վերաբերյալ պահանջի օրինակը, ընդ որում պահանջ պետք է պարունակի վճարման ենթակա տուժանքի հստակ չափը,

3.2. Կառուցապատողի և Գնորդի միջև կնքված Գնման իրավունքի պայմանագիրը լուծվելու դեպքում՝ Գնման իրավունքի պայմանագիրը լուծվելու մասին համաձայնագիր և այդ համաձայնագրի պետական գրանցման մասին ՀՀ Կադաստրի Կոմիտեի անշարժ գույքի կադաստրի պետական կոմիտեի կողմից տեղեկատվություն: Ընդ որում, այդ համաձայնագրում պետք է հստակ սահմանված լինի վճարման ենթակա տուժանքի չափը:

3.3. Կառուցապատողի և Գնորդի միջև կնքված Գնման իրավունքի պայմանագիրը լուծելու կամ անվավեր ճանաչելու մասին օրինական ուժի մեջ մտած դատական ակտ, որը պարունակում է վճարման ենթակա տուժանքի հստակ չափը:

4. Առանց Կառուցապատողի կարգադրության՝ Գնորդի պահանջով , Գնման իրավունքի պայմանագրի ներքո Գնորդի վճարած գումարի չափով Գնորդին կանխիկ տրամադրման կամ Գնորդի/Գնորդի վարկատուի բանկային հաշվին փոխանցման միջոցով սույն կետում նշված դեպքերում և կարգով, ընդ որում, սույն Պայմանների 3-րդ կետով նախատեսված դեպքում Գնորդին վճարվող գումարը չի կարող ավել լինել Գնորդի Գնման իրավունքի պայմանագրի ներքո Գնորդի վճարած գումարի և դրա նկատմամբ կիրառված տուժանքի տարբերության չափից:

4.1. Շինարարության ավարտի պետական գրանցումից հետո վեցամսյա ժամկետում Բանկին չի ներկայացվել Կառուցապատողի և Գնորդի միջև կնքված ձեռքբերվող անշարժ գույքի սեփականության իրավունքի փոխանցման ակտը: Ընդ որում, Կառուցապատողը սույնով հայտատարում է, որ սույն կարգի պահպանմամբ Հատուկ Հաշվից Բանկի կողմից կատարված դրամական միջոցների ելքագրում կատարելու դեպքում Բանկին ազատում է այդ կապակցությամբ ցանկացած իր բոլոր հնարավոր և իրական պահանջից: Սույն ենթակետով ստացված պահանջի շրջանակում Կառուցապատողի կողմից տուժանքի վճարման պահանջ ներկայացվելու դեպքում տուժանքի վճարման մասով գործընթացը շարունակվում է 3. կետում սահմանված կարգով:

4.2. Մինչև շինարարության ավարտի պետական գրանցումը Բանկին է ներկայացվել Կառուցապատողի և Գնորդի միջև կնքված Գնման իրավունքի պայմանագիրը լուծելու մասին համաձայնագրիրով և այդ համաձայնագրի պետական գրանցման մասին ՀՀ ԿԱ անշարժ գույքի կադաստրի պետական կոմիտեի կողմից տրված համապատասխան տեղեկատվություն:

4.3. Մինչև շինարարության ավարտի պետական գրանցումը Բանկին է ներկայացվել Կառուցապատողի և Գնորդի միջև կնքված Գնման իրավունքի պայմանագիրը լուծելու կամ անվավեր ճանաչելու մասին օրինական ուժի մեջ մտած դատական ակտ:

5. Առանց Կառուցապատողի կարգադրության՝ Կառուցապատողի կողմից կառուցապատվող հողամասի նկատմամբ սեփականատիրոջ իրավունքները լրիվ կամ մասնակի այլ կառուցապատողի կողմից ձեռք բերելու դեպքում՝ այդ կառուցապատողի՝ բանկում, գանձապետարանում կամ նոտարի դեպոզիտում կառուցապատողի հատուկ հաշվին փոխանցելով՝ ստորև նշված փաստաթղթերը Բանկին ներկայացնելու դեպքում՝

5.1. Կառուցապատողի կողմից կառուցվող շենքով զբաղեցված հողամասի նկատմամբ նոր կառուցապատողի սեփականության իրավունքի գրանցման վկայականը, և

5.2. Նոր կառուցապատողի անվամբ բացված հատուկ հաշվի վերաբերյալ տեղեկանք (եթե նշված հատուկ հաշիվը չի բացվել Բանկում), որը առնվազն պարունակում է նշում հաշվի համարի, արժույթի, կառուցապատողին և հողամասը նույնականացնող տվյալների վերաբերյալ, ինչպես նաև կառուցվող շենքում գնման իրավունք ունեցող Գնորդների կուտակած կանխավճարների և գրավադրված մնացորդների մասին,

• Հաշվում առկա միջոցների համար տոկոսներ չեն վճարվում եթե այլ բան նշված չէ պայմանագրում:
• Կառուցապատողի բանկային հաշիվը բացվում է անհրաժեշտ փաստաթղթերի ներկայացման օրը, իսկ փաստաթղթերի լրացուցիչ ուսումնասիրությունների կարիք լինելու դեպքում երկու բանկային օրվա ընթացքում:
• Բանկային հաշվի բացման և վարման պայմաններով և /կամ ՀՀ օրենսդրությամբ նախատեսված այլ դեպքերում:
• Բանկի և Հաճախորդի միջև ծագած վեճերը ենթակա են ՀՀ դատարանների իրավասությանը:
• Հաճախորդները կարող են դիտել հաշվում առկա միջոցները նաև հեռակա, եթե օգտվում են Բանկի կողմից տրամադրվող Ինտերնետ Բանկինգ ծառայությունից:
• Միջնորդվճարները գանձվում են միայն ՀՀ դրամով: Սակագներով նախատեսված վճարները Բանկի կողմից որպես կանոն գանձվում են այն հաշվի մնացորդի հաշվին, որով կատարվում է համապատասխան գործառնությունը:
• Եթե սակագները սահմանված են տոկոսով, ապա գանձվող գումարը հաշվարկվում է գործարքի ընդհանուր գումարից:
• Հաշվին գումարներ կարող են մուտքագրվել և կամ ելքագրվել ամեն աշխատանքային օր ժամը 09:30-ից մինչև 16:30: