Բիբլոս Բանկ Արմենիայում հաշիվներ բացել կարող եք նաև օնլայն տարբերակով։

Բանկ գալու կարիք չկա, իսկ ինքնուրույն հաշիվ բացելու համար Ձեզնից կպահանջվի մի քանի վայրկյան։ Առցանց տարբերակով Ընթացիկ կամ Պարզ խնայողական հաշիվ բացելն անվճար է։

Byblos Mobile հավելվածը / Օնլայն Բանկինգը և Ձեր ֆինանսական միջոցները հասանելի են 24/7 ռեժիմով։

Հաշիվների սակագները և այլ մանրամասներ հասանելի են այստեղ։

Հաճախորդները կարող են ստանալ անվճար push ծանուցումներ քարտով կատարված գործարքների մասին։

Նոր ծառայությունը ներկայացվում է որպես անվճար այլընտրանք SMS ծանուցումներին։ Այն ակտիվացնելու համար պարզապես անհրաժեշտ է մուտք գործել տվյալ քարտի «Կարգավորումներ» բաժինն ու միացնել Push ծանուցումները։ Ծառայությունն ակտիվացնելու ուղեցույցին կարող եք ծանոթանալ այստեղ։

Ծառայությունը թույլ է տալիս փոխանցել գումար՝ նշելով ստացողի հեռախոսահամարը կամ էլեկտրոնային հասցեն։

Կոնտակտով փոխանցումները կատարվում են հաշված վայրկյանների ընթացքում։

Ծառայությունն ամբողջովին անվճար է։ Պարզապես ընտրե՛ք ստացողի հեռախոսահամարը կամ էլեկտրոնային հասցեն, լրացրե՛ք գումարը և սեղմե՛ք «Փոխանցել» կոճակը։

Կոնտակտով փոխանցում կատարելու համար և՛ ուղարկողը, և՛ ստացողը պետք է լինեն Բանկի հաճախորդ։

«Կարմիր գծերի» Ա և Բ գոտիների համար կարող եք վճարել Byblos Mobile հավելվածով կամ Օնլայն բանկինգով՝ արագ, տեղում ու 24/7 ռեժիմով։

1 ժամից մինչև 1 տարի․ ավտոկայանատեղի վճարումը կարող եք կատարել Ձեզ հարմար ժամանակահատվածի համար ու Ձեզ հարմար պահի։

Այլ բանկերի քարտերը նույնպես կարող եք կցել Byblos Mobile հավելվածին և մեկտեղել Ձեր բոլոր քարտերը։

Կցված քարտերից կարող եք կատարել փոխանցում Բիբլոս Բանկ Արմենիայի Ձեր հաշիվներին և քարտերին՝ արագ ու ապահով գործարքներ անելու համար։

Քարտը կցելու համար ուղղակի անհրաժեշտ է՝

• Մուտք գործել Byblos Mobile-ի կամ Օնլայն բանկինգի քարտերի էջը
• Սեղմել «Նոր քարտ» կոճակի վրա
• Ընտրել «Կցել այլ քարտ» հրահանգը
• Լրացնել քարտի տվյալներն ու սեղմել «Վճարել»

Քարտի կցումը հաստատվում է հեռախոսահամարին 3D Secure հավաստող կոդը ստանալուց և այն համակարգում լրացնելուց հետո:

Byblos Mobile հավելվածով / Օնլայն Բանկինգով կարելի է բոլոր կոմունալ / ամսական վճարումները մեկտեղել մեկ անգամ և վճարել մեկ հպումով ամեն ամիս։

Կոմունալների խմբավորելու համար պարզապես պետք է անցնել «Փոխանցումներ» բաժինը, ամենաներքևում սեղմել «Խմբային վճարում» կոճակին, ավելացնել բոլոր անհրաժեշտ ծառայություններն ու պահել վճարման հանձնարարականը որպես ձևանմուշ։

Ծառայությունն անվճար է։

Բիբլոս Բանկ Արմենիայի քարտ ձեռք բերելիս այն կարող եք ակտիվացնել Օնլայն բանկիգով և օգտագործել գրեթե բոլոր տեսակի գործարքներ կատարելիս՝ օնլայն և օֆլայն գնումներից մինչև փոխանցումներ ու անհպում վճարումներ՝ նաև Google Pay-ով և Apple Pay-ով:

Քարտն Օնլայն բանկինգով ակտիվացնելու դեպքում հասանելի չեն լինի միայն բանկոմատով և POS տերմինալով կատարվող՝ քարտի տեղադրմամբ գործարքները (օրինակ՝ եթե գումար կանխիկացնելիս կամ վճարում կատարելիս անհրաժեշտ լինի քարտը տեղադրել բանկոմատի կամ POS տերմինալի մեջ)։

Նման գործարքների ժամանակ նույնպես քարտն օգտագործելու համար անհրաժեշտ է քարտը տեղադրել Arca համակարգի ցանկացած բանկոմատում և մուտքագրել PIN-ը։

ԱՊՊԱ պայմանագիր այժմ կարելի է կնքել 5 րոպեում՝ առանց տնից դուրս գալու։

ԱՊՊԱ-ն ավտոտրանսպորտային միջոցների օգտագործումից բխող պատասխանատվության պարտադիր ապահովագրությունն է բոլոր այն մեքենաների համար, որոնք հաշվառված են ՀՀ-ում։

Պայմանագիրը Byblos Mobile-ով կամ օնլայն բանկինգով կնքելու դեպքում Բանկի Հաճախորդները ստանում են․

• 5% զեղչ՝ սահմանված ապահովագրավճարից
• Բոլոր առաջարկները՝ մեկ տեղում
• Պայմանագրի էլեկտրոնային օրինակը՝ միշտ ձեռքի տակ

ԱՊՊԱ պայմանագիր կարելի է կնքել 3-12 ամսով, իսկ հատուցման առավելագույն չափը մեկ ապահովագրական պատահարի համար կազմում է.

• Անձնական վնասների դեպքում՝ 33,000,000 ՀՀ դրամ, յուրաքանչյուր տուժողի համար՝ 3,300,000 ՀՀ դրամ
• Գույքային վնասների դեպքում՝ 18,000,000 ՀՀ դրամ, յուրաքանչյուր տուժողի համար՝ 1,800,000 ՀՀ դրամ

ԱՊՊԱ պայմանագրի հետ կապված բոլոր հաճախ տրվող հարցերի պատասխաններն այստեղ են։

Byblos Mobile հավելվածով և Օնլայն բանկինգով կարելի է կատարել Ձեզ համար ամենակարևոր մարդկանց վարկի մարումները նույնպես։

Ծառայությունից օգտվելու համար պարզապես անհրաժեշտ է մուտք գործել համակարգ, անցնել «Ընկերոջ վարկի մարում» էջը, լրացնել վարկառուի պայմանագրի և անձնագրի/նույնականացման քարտի համարները և կատարել վճարումը։

Նոր ֆունկցիան թույլ է տալիս Բիբլոս Բանկ Արմենիայի Հաճախորդներին կատարել վարկի մարումներ այն մարդկանց փոխարեն, որոնք նույնպես հանդիսանում են Բանկի Հաճախորդ:

Byblos Mobile-ով / Օնլայն բանկինգով կարող եք հեշտությամբ մարել այլ բանկերում ունեցած վարկերը նույնպես՝ առանց հավելվածից հավելված անցնելու։

Այլ բանկի վարկի մարումներ կատարելու համար անհրաժեշտ է համակարգում ընտրել Բանկը, լրացնել վարկի տվյալներն ու հաստատել վճարումը։

Անվտանգությունը ցանկացած ինտերնետ օգտագործողի համար գերակա խնդիր է, և դա առաջնային է նաև մեզ համար: Ուստի Բիբլոս Բանկ Արմենիան ձեռնարկել է բոլոր անհրաժեշտ կանխարգելիչ միջոցառումները` Ձեր ֆինանսական և անձնական տվյալների առավելագույն անվտանգությունն ապահովելու համար:

Բիբլոս Օնլայն ծառայությունը հասանելի է 24/7 ռեժիմով, իսկ այն ակտիվացնելն ու դրանից օգտվելը դյուրին է ու արագ:

Ֆիզիկական անձինք կարող են ակտիվացնել ծառայությունը կամ Բանկի մասնաճյուղում, կամ առցանց*՝ կատարելով հետևյալ քայլերը**․

• Այցելել Բիբլոս օնլայն հարթակ կամ ներբեռնել Մոբայլ տարբերակը,

• Գրանցվել և ընդունել սպասարկման պայմանները,

• Մուտքագրել էլ. փոստի կամ SMS հաղորդագրության միջոցով ստացված կոդը,

• Ստեղծել վեցանիշ կոդ՝ հետագայում համակարգ մուտք գործելու համար

*Հասանելի է ծառայության գործարքային տարբերակը: Այն հաշվետերերը, որոնք վերջին 14 ամսվա ընթացքում Բանկում ունեցած իրենց որևէ հաշվով չեն կատարել ոչ մի գործարք, չեն կարող օգտվել առցանց գրանցման հնարավորությունից, իսկ հաջողությամբ գրանցվելու պարագայում օգտահաշիվը կապաակտիվացվի:

**Հավելվածի նոր տարբերակին անցում կատարելիս կամ թարմացումից հետո առաջին անգամ գաղտնաբառ փոխելիս անհրաժեշտ կլինի գործողությունները վավերացնել Google Authenticator հավելվածով ևս։

ՆՇՈՒՄ․ Գաղտնաբառը մոռանալու դեպքում ֆիզիկական և իրավաբանական անձինք կարող են այն վերականգնել առանց Բանկ այցելելու: Իսկ հաշվետերերը, որոնք ջնջել են Google Authenticator հավելվածը կամ փոխել են հեռախոսը, պետք է այցելեն Բանկի մասնաճյուղ՝ նոր կոդ ստանալու համար։

Ապահովեք Ձեր համակարգչի անվտանգությունը

• Ունեցեք հակավիրուսային ծրագիր և կանոնավոր թարմացրեք այն՝ համակարգիչը նոր վիրուսներից զերծ պահելու համար
• Թարմացրեք նաև օպերացիոն համակարգն ու ինտերնետ բրաուզերը՝ բեռնելով անվտանգություն ապահովող ծրագրեր անմիջապես դրանք թողարկողի կայքից:

Բրաուզերի անվտանգությունը

• Մի սեղմեք ոչ վստահելի աղբյուրներից ստացված URL-ի (հղման) վրա՝ կայք մուտք գործելու համար: Փոխարենը` բրաուզերում հավաքեք online.byblosbankarmenia.am կամ սեղմեք www.byblosbankarmenia.am կայքի «Բիբլոս Օնլայն» կոճակը:
• Հիշեք, որ պետք է համակարգից դուրս գալ և փակել բրաուզերը՝ համակարգչից թեկուզ կարճ ժամանակով հեռանալու դեպքում։
• Կանոնավոր մաքրեք բրաուզերի քեշը (cache)՝ Ձեր հաշվի մասին տեղեկությունները ջնջելու համար: Եթե համակարգիչն օգտագործում են այլ մարդիկ ևս, խորհուրդ է տրվում ամեն անգամ այն օգտագործելուց հետո մաքրել քեշը:
• Ստուգեք, թե վերջին անգամ երբ եք մուտք գործել Բիբլոս Բանկ Արմենիայի Օնլայն բանկինգ համակարգ (օրն ու ժամը):
• Կասկածելի նամակներ ստանալու դեպքում խնդրում ենք անմիջապես հայտնել մեզ՝ 060616100 հեռախոսահամարին զանգահարելով:

Գաղտնաբառի անվտանգություն

• Մի ընտրեք գաղտնաբառ, որը հեշտ է կռահել, ինչպես, օրինակ, Ձեր անձնական հեռախոսահամարը, ծննդյան օրը կամ այլ անձնական տեղեկություններ։
• Խուսափեք հաջորդական թվեր օգտագործելուց (օրինակ՝ 123456)։
• Ոչ ոքի մի վստահեք Ձեր գաղտնաբառը. այն կոնֆիդենցիալ է։
• Մի ձայնագրեք կամ գրի մի առեք Ձեր գաղտնաբառը ուրիշների համար հասանելի վայրում: Մտապահեք այն:

Բիբլոս Բանկ Արմենիա ՓԲԸ-ն օգտագործում է տվյալների կոդավորման և տվյալների հոսքը վերահսկող անվտանգության համակարգեր՝ կայքի միջոցով փոխանցվող տեղեկատվության ապահովության համար: Այդուհանդերձ, անհնար է վերացնել անվտանգության և գաղտնիության հետ կապված բոլոր ռիսկերը: Անվտանգության հետագա նկատառումներից ելնելով՝ անհրաժեշտ է կայք մուտք գործել լիցենզավորված բրաուզերի միջոցով, (օրինակ՝ Mozilla Firefox կամ Microsoft Edge-ի ամենաթարմ տարբերակները), որոնք ապահովում են 128-բիթանոց կոդավորում և SSL տեխնոլոգիա: Պետք չէ օգտվել Ձեր բրաուզերի «Հիշել գաղտնաբառը» գործառույթից: Համապատասխան գործողությունը սկսելուց հետո շարունակեք աշխատել այն համակարգչով, որով մուտք եք գործել կայք, մինչև չավարտեք այդ գործողությունը և կայքից դուրս չգաք: Էլ. փոստի օգտագործումն անվտանգ կամ գաղտնի չէ, եթե պատշաճ կերպով կոդավորված չէ: Համապատասխանաբար, Բիբլոս Բանկ Արմենիա ՓԲԸ-ն չի խրախուսում էլ. փոստ օգտագործել բանկին անձնական կամ ֆինանսական տեղեկություններ ուղարկելու համար: Նրանք, ովքեր նման դեպքերում օգտվում են էլ. փոստից, գործում են սեփական ռիսկով, և Բիբլոս Բանկ Արմենիա ՓԲԸ-ն պատասխանատվություն չի կրում դրա հետևանքով կրած կորստի կամ վնասի համար:

Բիբլոս Բանկ Արմենիա ՓԲԸ-ն համագործակցում է երրորդ անձանց հետ՝ կայքի վրա որոշակի գործողություններ կատարելու և դրա օգտագործումն ուսումնասիրելու համար: Ձեր անձնական ոչ մի տեղեկություն նրանց չի տրամադրվում։ Այնուամենայնիվ, ուսումնասիրությունն իրականացնելու ընթացքում երրորդ անձինք Ձեր բրաուզերում հնարավոր է «Cookie» ֆայլեր տեղադրեն:

«Cookie-ները» փոքր տեքստային ֆայլեր են, որոնք կայքի միջոցով փոխանցվում են Ձեր համակարգչի կոշտ սկավառակին՝ արխիվացման նպատակով: «Cookie-ները» կայքերն է՛լ ավելի օգտակար կարող են դարձնել՝ պահեստավորելով տեղեկատվություն որոշակի կայքերի մասին Ձեր նախընտրությունների վերաբերյալ՝ կայքի սեփականատերերին հնարավորություն տալով ավելի օգտակար գործառույթներ տրամադրել: Դրանք չեն պարունակում ո´չ անվան, ո´չ հասցեի մասին կամ այլ տեղեկատվություն, որը թույլ կտա կապ հաստատել Ձեզ հետ հեռախոսահամարի, էլ․ փոստի միջոցով կամ այլ կերպ: Ցանկության դեպքում կարող եք բրաուզերի միջոցով «cookie-ներն» անջատել կամ տեղեկանալ, երբ դրանք ներդրվեն: Ինչևէ, հաշվի առեք, որ երբեմն չեք կարող լիարժեք օգտվել մեր կայքի գործառույթներից, եթե «cookie-ներն» անջատեք:

Մի քանի առանձնահատկություն, որ կիրառում ենք մեր ծառայություններում՝ ֆինանսական և անձնական տվյալների առավելագույն անվտանգություն ապահովելու համար:

Օնլայն բանկինգ համակարգ մուտք գործելու համար անհրաժեշտ է մուտքագրել օգտագործողի անունը։ Այնուհետև պետք է մուտքագրեք Ձեր գաղտնաբառը, որը օգտագործողի անվան հետ մեկտեղ առավելագույն անվտանգություն է ապահովում: Այսպիսով, ծառայությունից օգտվելիս այս տվյալների մուտքագրումը չի թողնում, որպեսզի Ձեր մասին տեղեկությունները հասանելի լինեն որևէ այլ անձի:

Մեր համակարգերի անվտանգությունն ապահովում են բարձրակարգ մեխանիզմներ՝ այդ թվում տվյալների հոսքը վերահսկող համակարգեր և սարքեր, որոնք կկանխեն այլ օգտատերերի մուտքը համակարգիչ:

Տվյալների պաշտպանվածություն

Օնլայն բանկինգ համակարգը տրամադրում է բարձր մակարդակի անվտանգություն՝ շնորհիվ ներդրված նորագույն տեխնոլոգիաների:

Օնլայն բանկինգ համակարգ մուտք գործելուց հետո 10 րոպե ոչ մի գործողություն չկատարելու դեպքում համակարգն ինքնաբերաբար կփակվի՝ այլ անձանց մուտքը կասեցնելու նպատակով: