Byblos Mobile հավելվածն օգտագործելու համար անհրաժեշտ է հետևել մի քանի պարզ քայլի․

• Ներբեռնել այն Play Store-ից կամ App Store-ից
• Գրանցվել և ընդունել սպասարկման պայմանները
• Մուտքագրել էլ. փոստի կամ SMS հաղորդագրության միջոցով ստացված կոդը
• Ստեղծել վեցանիշ կոդ՝ հետագայում համակարգ մուտք գործելու համար

Byblos Mobile-ը հասանելի է արդեն իսկ Բանկի հաճախորդ հանդիսացող անձանց համար։ Հավելվածը թույլ է տալիս ցանկացած պահի ապահով և անվտանգ օգտվել մի շարք բանկային ծառայություններից և կատարել տարատեսակ գործարքներ, ինչպես, օրինակ՝

• Կատարել կոմունալ, պետական և այլ վճարումներ
• Ստուգել հաշիվների և վարկերի մնացորդն ու պայմանները
• Ձևակերպել ավանդ և կատարել ավանդի համալրումներ
• Կատարել դրամական միջոցների փոխանցում
• Դիտել տարադրամի փոխարժեքը և կատարել տարադրամի փոխանակում
• Վճարել ՃՈ տուգանքները և կայանատեղիների վարձը
• Ստուգել քարտային հաշիվների մնացորդը, տեսնել հաշվի քաղվածքը և գործարքները

Բիբլոս Բանկ Արմենիան տրամադրում է հիփոթեքային, սպառողական, ուսանողական, ճամփորդության վարկեր և ավտովարկ։ Վարկի համար կարող են դիմել Հայաստանի Հանրապետության 21-63 տարեկան ռեզիդենտները (վարկային պայմանագրի գործողության ընթացքում)՝ բացառությամբ «Դեպի հայրենիք» հիփոթեքային վարկի, որը նախատեսված է ոչ ռեզիդենտ անձանց համար:

Բիբլոս Բանկ Արմենիան առայժմ չի տրամադրում օնլայն վարկեր, սակայն կարող եք հայտ լրացնել մեր կայքում՝ Ձեզ հետաքրքրող վարկատեսակի էջում, և մենք հնարավորինս արագ կապ կհաստատենք Ձեզ հետ մանրամասները քննարկելու համար։

Վարկի մարումները կարելի է կատարել Օնլայն բանկինգ ծառայության և Byblos Mobile հավելվածի միջոցով, որոնք հասանելի են 24/7 ռեժիմով։

Բացի այդ, 24/7 մարումներ կարելի է կատարել նաև EasyPay վճարային տերմինալներով և EasyWallet թվային դրամապանակով։

Այլ բանկերում ունեցած վարկերը տեղափոխելու կամ միավորելու համար անհրաժեշտ է ներկայացնել հայտ, որի հաստատումը պայմանավորված է մի շարք գործոններով, ինչպես, օրինակ, Ձեր վարկային պատմությունով ու վարկունակությունով, վարկի նպատակային օգտագործման հիմնավորվածությամբ, ինչպես նաև տվյալ վարկի տրամադրման պայմաններով: Մանրամասների համար կարող եք այցելել Բիբլոս Բանկ Արմենիայի ցանկացած մասնաճյուղ։

Քարտ ձեռք բերելու համար կարող եք այցելել մեր մասնաճյուղերից ցանկացածը, ներկայացնել հայտ և ստանալ քարտը 3 աշխատանքային օրվա ընթացքում։

Մաստերքարտ քարտերը կարելի է կցել նաև Apple Pay և Google Pay համակարգերին և կատարալ վճարումներ հեռախոսով կամ խելացի ժամացույցով` արագ ու ապահով։

Քարտի կորստի (գողության), զեղծարարության կասկածի դեպքում պետք է անﬕջապես բլոկավորել քարտը`

• Օնլայն բանկինգի ﬕջոցով/Byblos Mobile հավելվածով,
• Ակտիվացնելով USSD ծառայությունը,
• Այցելելով Բանկի մասնաճյուղ (աշխատանքային օրերին ժամը 9։30-17։00),
• Զանգաhարելով Բանկ (աշխատանքային օրերին ժամը 9։00-18։00, հեռ.՝ 374 60 61 61 00) կամ ԱրՔա պրոցեսինգային կենտրոն (շուրջօրյա, հեռ.` +374 10 59 22 22)

Այնուհետև կարող եք գրավոր դիﬔլ Բանկ՝ քարտը վերաթողարկելու կամ փակելու համար։

Բիբլոս Բանկ Արմենիայում կարելի է ներդնել ժամկետային և կուտակային ավանդներ մինչև 24 ամիս ժամկետով՝ տոկոսագումարները ավանդը ներդնելու պահին կամ ժամկետի ավարտին ստանալու, ինչպես նաև ավանդը համալրելու հնարավորությամբ։ Բացի այդ, Բանկը պարբերաբար ներկայանում է հատուկ առաջարկներով: Ավանդ ներդնելու համար կարող եք՝

• Զանգահարել մեզ +37460616100 հեռախոսահամարով,
• Այցելել Բանկի մասնաճյուղերից մեկը,
• Լրացնել հայտ Byblos Mobile հավելվածի միջոցով։

Բիբլոս Բանկ Արմենիայում գործում է աշխատավարձային նախագիծ՝ «Փոխանցիր և Ստացիր», որի շրջանակում կարող եք ստանալ հատուկ պայմաններ ﬕ շարք ծառայությունների համար, ներառյալ`

• 0% կանխիկացում ԱրՔա համակարգի բոլոր բանկոմատներում,
• վարկեր՝ ավելի ցածր %-ով։

Բանկը պարբերաբար հանդես է գալիս հատուկ առաջարկներով։

Բացի այդ, յուրաքանչյուր հաճախորդ մեզ մոտ ստանում է որակյալ անհատական սպասարկում։ Մեր այս մոտեցումը թույլ է տալիս մշտապես ուշադրության կենտրոնում պահել, օգնել ու ճանաչել Ձեզ։