Վարկի տրամադրման միջնորդավճարը կազմում է վարկի գումարի 0.5%-ը գումարած 10,000 ՀՀ դրամ, նվազագույնը` 35,000 ՀՀ դրամ, առավելագույնը՝ 250,000 ՀՀ դրամ:

• ֆիքսված տոկոսադրույքի գործողության ընթացքում վարկի վաղաժամ մարման դեպքում (մասնակի կամ ամբողջական) կիրառվում է տույժ՝ վաղաժամկետ մարվող գումարի 2%-ի չափով։
• Վարկի գումարի կամ դրա մի մասի, ինչպես նաև տոկոսների մարումների ուշացման դեպքում ժամկետանց վարկի նկատմամբ դադարում են գործել վարկային պայմանագրով սահմանված տոկոսները, և այդ գումարների վրա հաշվարկվում են տոկոսներ տարեկան 24%-ի չափով ՝ յուրաքանչյուր ուշացված օրվա համար: Ժամկետանց գումարներ են համարվում վարկային պայմանագրով սահմանված ժամկետներում չմարված գումարները:

Տնտեսության ոլորտներ կամ գուրծունեություն, որոնց վարկեր չեն տրամադրվում`

• Այնպիսի ապրանքների արտադրություն, առևտուր կամ գործունեություն, որոնք արգելված են երկրի օրենքներով կամ միջազգային պայմանագրերով,
  
• Արտադրություն կամ առևտուր, որոնք կապված են զինամթերքի հետ,
  
• Խաղատներ և այլ շահումով խաղեր,
  
• Թանկարժեք քարերի առևտուր,
  
• Փոխանակման կետ,
  
• Բրոքերային և բուքմեյքերական ընկերություններ,
  
• Արտադրություն, օգտագործում կամ առևտուր վտանգավոր նյութերով, ինչպիսիք են ռադիոակտիվ նյութերը և այլն, բացառությամբ գյուղատնտեսության մեջ օգտագործվող թունաքիմիկատների և պարարտանյութերի,
  
• IFC-ի բացառման ցանկ`
  

1. Արտադրություն կամ գործունեություն, որտեղ օգտագործվում է հարկադիր աշխատուժ (1) կամ մանկական աշխատուժ,եւ որը կրում է վնասակար (2) կամ չարաշահող բնույթ, որտեղ խտրականություն է գործադրվում կամ խախտվում է աշխատակիցների` արհմիություններին եւ այլ միություններին միանալու օրինական իրավունքը:
2. Այնպիսի ապրանքների արտադրություն կամ առեւտուր, որոնք արգելված են այն երկրի օրենքներով, որտեղ ծավալվում է գործունեությունը,կամ միջազգային պայմանագրերով: Այդ պրանքների թվում են, օրինակ, դեղորայքը, պեստիցիդները եւ հերբիցիդները, օզոնային շերտի քայքայմանը նպաստող նյութերը, պոլիքլորացված դիֆենիլը, վայրի բնությունը կամ վայրի բնության ապրանքները, որոնք կարգավորվում են CITES (3) կոնվենցիայով:
3. Միջազգային օրենքներով արգելված թափոնների տեղափոխում այլերկրներ:
4. Զենքի եւ զինամթերքի, ոգելից խմիչքների կամ ծխախոտի (գարեջրի եւ գինու բացառությամբ)` արտադրություն կամ առեւտուր (4):
5. Խաղատներ եւ այլ շահումով խաղեր:
6. Ռադիոակտիվ նյութերի արտադրություն կամ առեւտուր (5):
7. Անմշակ ասբեստի թելքի արտադրություն կամ առեւտուր (6):
8. Գործունեություն, որն արգելված է երկրի օրենսդրությամբ կամ կենսաբազմազանության պաշտպանությանը վերաբերող միջազգային պայմանագրերով, կամ բնական կլիմայի/միջավայրի փոփոխությանը կամ վատթարացմանը նպաստող գործունեություն, ինչպես նաեւ պատմամշակութային հուշարձանների վնասմանը կամ փոփոխմանը նպաստող գործունեություն (3):
9. Ծառահատում առեւտրային նպատակներով արեւադարձային խոնավ անտառներում:
10. Փայտի կամ այլ անտառային ապրանքների արտադրություն կամ առեւտուր, բացառությամբ անտառային տնտեսության ոլորտում կայուն կերպով օգտագործվող եւ կառավարվող անտառների:
11. Առեւտուր վայրի բնությամբ կամ վայրի բնության ապրանքներով, որոնք կարգավորվում են CITES կոնվենցիայով (Convention on International Trade in Endangered Species or Wild Fauna and Flora) (3):
12. Ծովում ձկան որս դրիֆտերային ցանցերով, որոնք ունեն 2.5 կմ ավել երկարություն:
13. Նավթի կամ այլ վտանգավոր նյութերի տեղափոխում տանկերներով, որոնք չեն համապատասխանում ծովագնացության միջազգային կազմակերպության (IMO) պահանջներին:
14. Առեւտուր առանց արտահանման կամ ներմուծման անհրաժեշտ թույլտվության կամ համապատասխան երկրից արտահանման, ներմուծման կամ տեղափոխման արտոնման այլ ապացույցի:
15. Գործունեություն` կապված պորնոգրաֆիայի եւ մարմնավաճառության հետ:
16. Ռասիստական եւ հակադեմոկրատական պարբերականների պատրաստում եւ տարածում:
17. Բնիկ ժողովուրդների տեղահանմանը նպաստող գործունեություն:

ԾԱՆՈԹԱԳՐՈՒԹՅՈՒՆ

1. «Հարկադիր աշխատուժ» նշանակում է ցանկացած աշխատանք կամ ծառայություն, որը կատարվում է ոչ թե անհատի սեփական կամքով, այլ ուժի կամ պատժի սպառնալիքի ազդեցությամբ:

2. «Մանկական վնասակար աշխատուժ» նշանակում է չարաշահում տնտեսական առումով կամ գործողություն, որը կարող է խոչընդոտել երեխայի կրթությանը, վնասել երեխայի առողջությանը կամ ֆիզիկական, մտավոր, հոգեւոր, բարոյական կամ սոցիալական զարգացմանը:

3. CITES՝ «Անհետացման եզրին գտնվող վայրի կենդանական եւ բուսական աշխարհի տեսակների միջազգային առեւտրի մասին» կոնվենցիա: CITES կոնվենցիայում ներառված բուսատեսակների եւ կենդանատեսակների ցանկը կարելի է ստանալ ՀՀ բնապահպանության նախարարությունից:

4. Այս ցանկում չեն դասվում այն նախագծերն/ծրագրերն, որոնք չունեն զգալի ներգրավվածություն նման գործունեություններում: «Չունեն զգալի ներգրավվածություն» նշանակում է, որ նշված գործունեությունը հանդիսանում է նախագծի հովանավորի հիմնական գործունեության օժանդակ գործունեություն:

5. Սա չի վերաբերում բժշկական սարքավորումներին, որակի վերահսկման (չափման) կամ որեւէ այլ սարքավորումներին, որոնց մեջ ռադիոակտիվ նյութերի աղբյուրն` ըստ IFC-ի աննշան է կամ անհրաժեշտ կերպով պաշտպանված:

6. Բացառությամբ մշակված ասբեստացեմենտային թերթերի, որտեղ ասբեստի պարունակությունը 20% ցածր է:

• Վարկի ձևակերպման գործընթացը իրականացվում է միայն Բիբլոս Բանկ Արմենիայի մասնաճյուղերում:
  
• Վարկը տրամադրվում է անկանխիկ՝ հաճախորդի բանկային հաշվին փոխանցելու միջոցով:
  
• Վարկը տրամադրվում է ՝ հաճախորդի կողմից մասնաճյուղում պայմանագրերը ստորագրելու օրվանից հաշված 3 աշխատանքային օրվա ընթացքում, եթե պահանջվող բոլոր փաստաթղթերը ներկայացվում են:
  
• Վարկի մարումներն իրականացվում են ամսական հավասարաչափ վճարումներով․ նախ՝ հաշվարկված տոկոսագումարը, հետո՝ մայր գումարը։ Տույժերի առկայության դեպքում, վերջիններս վճարվում են առաջին հերթին:
• Վարկի տրամադրման դրական կամ բացասական որոշման կայացման վրա ազդող հիմնական գործոններն են՝

ա - վարկային պատմությունը,

բ - վարկի նպատակային օգտագործման հիմնավորվածությունը,

գ - վարկառուի կողմից տրամադրված տեղեկատվության իսկությունը,

դ - հաճախորդի վարկունակությունը (ֆինանսական վիճակ),

ե - հաճախորդի վարկարժանությունը (Վարկառուի անձնական որակներ, վարկ ստանալու իրավական խոչընդոտների բացակայություն և այլն),

զ - վարկի ապահովվածություն հանդիսացող գրավը:

Բիբլոս Բանկ Արմենիան Ձեր վարկի դիմումի վերաբերյալ որոշումը կկայացնի և այդ մասին Ձեզ կտեղեկացնի 7 աշխատանքային օրվա ընթացքում: