• 21.07.2011
  • Նորություն
Նոր մասնաճյուղ Վանաձորում

Vanadzor new branchԲիբլոս Բանկ Արմենիան կատարում է իր խոստումները. ժամանակակից մասնաճյուղ  աղետի գոտում

Հայաստան, Երևան, 21 հուլիսի, 2011թ. –  Երեկ` հուլիսի 20-ին, Բիբլոս Բանկը բացել է նոր մասնաճյուղ աղետի գոտում` Վանաձորում. բացման արարողությանը ներկա էին ներկայացուցիչներ Լոռու մարզպետարանից, Վանաձորի քաղաքապետարանից, Կենտրոնական բանկից, բանկի ղեկավարությունը և կարևոր կորպորատիվ հաճախորդներ, համագործակիցներ, մամուլի ներկայացուցիչներ, հյուրեր և այլոք: Նոր մասնաճյուղը, որը գործելու է կենտրոնական վայրում, հաստատում է Բանկի խոստումը ընդլայնել իր բարձրորակ ծառայությունների մատուցումը  երկրաշարժի գոտու բնակիչներին և արդյունավետորեն նպաստել տեղական տնտեսության աճին:

Բիբլոս Բանկ ՍԱԼ-ի խորհրդի անդամ և Բիբլոս Բանկ Արմենիա ՓԲԸ-ի խորհրդի նախագահ պրն. Ալան Թոմեն ասել է. «Մեր նվիրումը Հայաստանին և հայաստանցիներին անկեղծ է, և մենք հույս ունենք առանցքային դերակատարում ունենալ Վանաձորի և շրջակա տարածքների զարգացման գործումե: Նա ավելացրել է. «Մեր հիմնադրումը 2007թ. ոչ թե վտանգավոր, այլ նախագծված քայլ էր, քանի որ մենք գիտեինք, որ երկարատև աճի և ներդրման հնարավորություն կար: Այսօր մեր Վանաձորի մասնաճյուղը եկել է ապացուցելու մեր ռազմավարական նվիրվածությունըե:
 
Միջոցառման ժամանակ Բիբլոս Բանկ Արմենիայի գործադիր տնօրեն պրն. Արարատ Ղուկասյանը նշել է. «Որպես Հայաստանի բանկիր, ես շատ ուրախ եմ, որ հանդիսանալով միջազգային բանկի մի մաս` մենք կարող ենք սպասարկել ոչ միայն մեր երևանյան մասնաճյուղերից, այլև ընդլայնվելով Հայաստանի հյուսիսային շրջաններ՝սպասարկել նաև Լոռիի,  Շիրակի և Գեղարքունիքի մեծ մասը: Ընդլայնման իր ծրագրի համաձայն` տարվա վերջին Բիբլոս Բանկը նախատեսում է նաև բացել իր «Կոմիտասե մասնաճյուղը Երևանումե:

Անցյալ տարի` 1988-ի երկրաշարժի զոհերի հիշատակի օրը, Բիբլոս Բանկ Արմենիան հայտարարեց իր ընդլայնման ու Վանաձորում ներդրումների ծրագրի մասին: Արդեն այսօր բանկի նոր մասնաճյուղն ապահովում է 10 նոր աշխատատեղ և առաջարկում է բարձրակարգ ֆինանսական ծառայություններ աղետի գոտու ու Վանաձորի հարակից տարածքների բնակիչների համար:

Բիբլոս Բանկ Խումբը միջազգային ֆինանսական հաստատություն է, որը գործում է 12 երկրներում՝ Հայաստանում, Լիբանանում, Ֆրանսիայում, Միացյալ Թագավորությունում, Բելգիայում, Կիպրոսում, Իրաքում, Սուդանում, Նիգերիայում, Սիրիայում, Արաբական Միացյալ Էմիրություններում և Կոնգոյի Դեմոկրատական Հանրապետությունում: 2010թ. Խմբի կոնսոլիդացված մաքուր շահույթն աճել է 22,1%՝ 177,7 մլն դոլար 2009թ. համեմատ, ընդհանուր ակտիվներն աճել են 12.6%՝15.3 միլիարդ դոլար, և հաճախորդների ավանդներն աճել են 15.6%՝ 11.9 միլիարդ դոլար: Այս տարի լիբանանյան բանկերի միջև Բիբլոս Բանկը սահմանել է Tier One Capital- ի ամենաբարձր աճը, և The Banker ամսագրում աշխարհի  լավագույն 1000 առևտրային բանկերի ցուցակում առաջ է անցել 58 բանկերից:

թարմացված է՝ 17.08.2022 14:35
Դիմել վարկի համար Ուղարկել նամակ Հասցեներ