Բիբլոս Բանկի հաճախորդները մասնակցեցին Smart հեռուստացույցների խաղարկությանը

Բիբլոս Բանկ Արմենիան իր վարկառուներին հնարավորություն է ընձեռնել շահավետ պայմաններով բնակարան ձեռքբերելուց  կամ վերանորոգելուց բացի շահել նաև մեծ հեռուստացույց: Հունիսի 12-ին, տեղի ունեցավ «Նոր տուն, նոր հեռուստացույց» խորագրով ակցիայի փակմանը նվիրված միջոցառումը, որի ընթացքում կայացավ հեռուստացույցի խաղարկություն մասնակիցների միջև և հաղթողն ընտրվեց վիճակահանության միջոցով: Խաղարկության արդյունքում հաղթող  ճանաչվեցին երկու հաճախորդ:     

Իր տպավորությունների և Բիբլոս Բանկի հետ ունեցած փորձի մասին պատմում է խաղարկության հաղթողներից մեկը՝ Սվետլանա Հովհաննիսյանը.
 

«Շահել եմ հեռուստացույց Բիբլոս Բանկի շնորհիվ: Նոր հաճախորդ եմ, մեկ տարի դեռ չկա: Շատ գոհ եմ և աշխատակիցներից, և սպասարկումից: Ինձ խորհուրդ տվեցին, ես էլ որոշեցի փորձել օգտվել Բիբլոս Բանկից: Բոլորովին անսպասելի էր, որ մրցանակը կշահեմ»:

Նոր հիփոթեքային վարկատեսակի շնորհիվ Բիբլոս Բանկ Արմենիան իրականություն է դարձնում բազմաթիվ ընտանիքների՝ բնակարան ունենալու երազանքը: Բիբլոս Բանկի կողմից առաջարկվող շահավետ հիփոթեքային պայմաններից արդեն օգտվել են մեծ թվով հաճախորդներ:

 «Բիբլոս Բանկ Արմենիան հիփոթեքային վարկի նոր առաջարկի միջոցով ցանկանում է բարենպաստ պայմաններ և բնակարան ունենալու հնարավորություն ստեղծել բոլոր ցանկացողների և հատկապես երիտասարդ ընտանիքների համար», - ասում է Բիբլոս Բանկ Արմենիայի գլխավոր գործադիր տնօրեն Արարատ Ղուկասյանը:

Բիբլոս Բանկ Արմենիայի նոր հիփոթեքային վարկը տրամադրվում է սկսած 10% տարեկան տոկոսադրույքից, մինչև 20 տարի մարման ժամկետով: