Բիբլոս Բանկ Արմենիան Լիբանանում ներկայացրեց Հայաստանի բանկային հատվածի հեռանկարները

Բիբլոս Բանկ Արմենիան Լիբանանում ներկայացրեց Հայաստանի բանկային հատվածի հեռանկարները

Ս.թ. մարտի 29-30-ը տեղի ունեցան «Հայաստանի բանկային հատվածի նոր իրականությունե խորագիրը կրող հայ-լիբանանյան կլոր սեղանի քննարկումները: Հանդիպումներին ներկա էին երկու երկրների բանկային և բիզնես ոլորտների ակնառու ներկայացուցիչներ: Ունենալով գլխամասային գրասենյակ Լիբանանում և ակտիվ ներկայություն Հայաստանում՝ Բիբլոս Բանկն ի վիճակի է լավագույն կերպով ներկայացնել Հայաստանի բանկային համակարգի առանձնահատկությունները Լիբանանի գործընկերներին, ուստի Բիբլոս Բանկ Արմենիայի գլխավոր գործադիր տնօրեն պարոն Ղուկասյանը ընդգրկված էր հայաստանյան պատվիրակության կազմում:

Այս պաշտոնական այցի ժամանակ պարոն Ղուկասյանը Հայաստանի տնտեսական և ֆինանսական համակարգը ներկայացրեց Լիբանանում գործող կազմակերպություններին և անհատ ձեռներեցներին, ովքեր հետաքրքրված են իրենց բիզնեսն ընդլայնել և ներդրումներ կատարել Հայաստանի շուկայում: Բիբլոս Բանկ Արմենիան մշտապես հանդես է գալիս որպես կապող օղակ երկու երկրների գործարար ոլորտների միջև: Այս անգամ ևս Բանկն իր արժեքավոր ներդրումն ունեցավ կլոր սեղանի քնարկումների ընթացքում:

«Այս այցելությունը հիանալի հնարավորություն էր Լիբանանի հայ համայնքին ներկայացնելու Բիբլոս Խմբի՝ Հայաստանում ծավալած գործունեությունը և գործակցության ընդլայման ծրագրերը: Մենք նպատակ ունենք երկու բարեկամ երկրների միջև զարգացնել առևտրաշրջանառությունը, բիզնեսը և ներդրումային համագործակցությունը», - նշեց պարոն Ղուկասյանը:

Հանդիսանալով Լիբանանի երեք ամենախոշոր բանկերից մեկը՝ Բիբլոս Բանկը մեծ հեղինակություն է վայելում Լիբանանի հայ համայնքի շրջանում: Համայնքն իր հերթին ակտիվ դերակատարում ունի երկու երկրների միջև տնտեսական, քաղաքական և հասարակական հարաբերությունների ամրապնդման գործում: Ունենալով հաստատուն և զարգացած համակարգ՝ Բիբլոս Բանկը սպասարկում է թեԲ Լիբանանի, թեԲ Հայաստանի հաճախորդներին: