Զգուշացում: Հարգելի Քարտապան, Տեղեկացնում ենք, որ Բանկին հայտնի է դարձել քարտային զեղծարարության նոր տարբերակ:

Օնլայն հարթակներում (list.am) վաճառք իրականացնող անհատների հետ կապ են հաստատում զեղծարար գնորդներ և գումարը վճարելու նպատակով վաճառողից պահանջում են տրամադրել քարտի տվյալները՝ list.am կայքում մուտքագրելու միջոցով: Վաճառողը/քարտապանը մուտքագրում է քարտի բոլոր վավերապայմանները (քարտի համար, քարտապանի անուն, ժամկետ, CVV գաղտնաբառ)  ուղարկված կեղծ հղմամբ, որից հետո գեներացվում է sms հաղորդագրություն և ուղարկվում քարտապանին վերջնական վավերացման համար: Արդյունքում զեղծարարները ունենում են բոլոր պահանջվող տվյալները քարտապանի հաշիվը զրոյացնելու համար:

Հիշեցնում ենք, որ քարտին գումար փոխանցելու կամ ստանալու համար անհրաժեշտ է միայն քարտի համարը /բացառիկ դեպքերում նաև քարտապանի անունը/:

Հորդորում ենք քարտի բոլոր վավերապայմանները չտրամադրել 3-րդ անձանց:

Հարցերի դեպքում դիմեք Ձեզ սպասարկող մասնաճյուղ:

Հարգանքով,
Բիբլոս Բանկ Արմենիա